شهالبلد اللي كله مغازل؟

ليش كل المسلسلات الكويتية في رمضان لازم فيها واحد يغازل وحدة؟

هل نحن شعب مغازلجي لهالدرجة؟

أم أن هذا النوع من المسلسلات هو اللي ماشي هاليومين؟

Time to JailBreak that iPhone

Finally, a jailbreak that doesn't require you to use a PC or a Mac.
It works on every iPhone, 3G, 3GS, iPhone 4, running any iOS from 3.1.3 to 4.0.1.
It also works on iPod Touch and iPad devices.

Visit http://www.jailbreakme.com and "Slide that Arrow".
Remember to backup with iTunes first. Good Luck.

ريجيم انجلينا

الكثيرون تسائلوا عما فعلته انجلينا جولي للظهور بمظهر نحيف في فيلمها الاخير SALT ... الممثلة قامت بريجيم يتكون من خمس وجبات صغيرة يوميا ...

واهم شي نو جنك فووود ..... والكحول في الويك اند فقط!!!

لمزيد من التفاصيل:
http://www.huffingtonpost.com/2010/07/24/angelina-jolies-highcarb-_n_658077.html

الإيمان سلاح عظيم

مهما تكن العقيدة غير منطقية للغير
يظل معتنقها مصرا عليها وبشدة
الإيمان سلاح عظيم
من يمتلك زمام آمره
يمتلك القيادة

الله يخلف علينا

أعلنت PayPal عن أن عدد المشتركين فيها يتزايد بنسبة مليون مستخدم كل شهر في الربع الثاني من العام الحالي مع زيادة في الأرباح بنسبة 22%.

متى نشوف شركات عربية مثل هالشركات؟

SALT

فيلم مش بطال
القصة كانت تحتاج بعض الحبك
فيها مقاطع كثيرة مو راكبة على بقية القصة
السينما كانت زحمة بشكل مو طبيعي

زمان يا تلفزيون الكويت

تتذكرون مسلسلات رمضان القديمة؟

الشاطر حسن

مدينة الرياح

المسلسل اللي كان فيه علقم علقم مر وصغير ومدلقم؟

أيام ما كانت الكويت سيدة التلفزيون الخليجي

أيام ما كانت الكويت تقدم الإبداع في كل مجال

أيام ما كان الخليج يطالع الله أول و بعدين يلتفت يشوف الكويت شنو مسويه

أيام أيام أيام

قبل ما تتدهور هالبلد الجميلة ويصبح كل شيء فيها قبيح للأسف

تلفزيون الكويت هالسنة مسوي مسلسل من نفس النوعية أسمه "السندباد بن حارب"

نتمنى يكون على نفس المستوى أو أحسن

ولو أني مو متفائل بأسم بطل العمل بس كل شيء جايز :)

المصدر: الآن - السندباد بن حارب بتلفزيون الكويت

ABC News for iPad

للي يحبون متابعة الأخبار من مصادرها في جهاز الآي باد ما غيره :)

البرنامج مجاني أكيد. و هذا رابط الآي تيونز

المصدر: ABC News for iPad Just Released | PadGadget

أحد يبلغه يا جماعة

يا جماعة اللي يعرف مكانه يبلغه أن خالد الفضالة محجووووووز

لا تصريح لا بيان لا عماة عين

الله يالدنيا شلون انتي صغيرة

الدنيا تدور وتدور ولا بد للمعدن الأصلي بيان

يا ريت واحد يوضحلي اللي تم التعسف معاه

و تم حجزه واعتقاله وتجديد حسبه حتى الاسبوع القادم

وشنو حملة صحفية ظالمه ضده وضد اسرته وتياره

هل هل الأمين العام للتحالف الوطني الديموقراطي؟

أو الأمين العام لتحالف غيره؟؟

ما أشوف إلا أسيل وغشمرتها وصالح الملا وتردده

وين الصقر؟ وين خالد هلال؟ وين افتتاحية الجريدة؟

وين نواب التحالف الحاليين والقدامى؟

سكوتهم لا يعني إلا موافقتهم أو خوفهم

موافقتهم على اللي قاعد يصير لخالد الفضالة

أو خوفهم على مصالحهم

والله أعلم شنو الأقرب من هالإحتمالين؟؟؟

---

ولخالد الفضالة نقول:

كنت ولا زلت بطلاً رغم عن أعين المتخاذلين والمفسدين.

عليوي حلَق للدستور

عشرة نواب لتقديم الاستجواب

واحد يقدمه وتسعة يزكونه

و خمستعش نائب لتقديم استجواب لرئيس الوزراء

زين هذا يعني أن طلب طرح الثقة مقدم مسبقا

ودائرة سادسة بين الخامسة والرابعة

لمغازلة نواب الدائرتين عشان يوافقون على التعديلات اللي فوق

علي

عليوي

بليييييييييز

يوووووووز

لقاء السفيرة الأمريكية في الشبكة الوطنية الكويتية

بعد مقابلة الشيخ فهد سالم العلي

السفيرة الأمريكية في لقاء مع الشبكة الوطنية الكويتية

الله يعينها على بعض الأسئلة اللي ما تدري وين رايحه

بس اتوقع راح يكون لقاء مثير

 

زوجوه يا ناس

وين ماخذينا معاكم؟؟؟

أمس كنت في ديوانية كويتية بكل ما تحمله من معنى

شباب من كل مناطق الكويت

الحضري والبدوي

والسني والشيعي

والمهندس والعسكري

والطالب والطبيب

واللي يشجع العربي واللي ما يحب إلا القادسية

واللي يعتقد أن داوود حسين أحسن ممثل في الكويت

واللي يقول أن الفن مات بموت خالد النفيسي

اي موضوع ينطرح في الديوانية

لازم تلقى أراء مختلفه فيه

هذا مؤيد وهذا معارض

وهذا مو قادر يحدد موقف

والرابع ما يدري شسالفه

قول الخصخصة وتلاقيهم صاروا ماشاء الله خبراء اقتصاديين

اذكر الرياضة وتحصل الواحد منهم صار فتحي كميل والثاني جاسم يعقوب

تهور واذكر اسم مسلم البراك تلاقيهم شوي ويتهاوشون مؤيديين ومعارضيين

واذا وزتك نفسك الأمارة بالسوء ويبت طاري الخرافي يا ويلك ويل

اللي يقول هو سبب انبطاح المجلس

واللي يقول هو صمام أمانه

بس

شفتوا قوم صالح هذيلا اللي ما يتفقون بالإجماع على رأي واحد؟

جميعهم

بدويهم

وحضريهم

وشيعيهم

وسنيهم

متفقين على أن هناك من يعمل على تقسيم هالبلد

والاحداث اللي قاعدة تصير هالأيام

من تأبين وضرب مجاميع القبائل وجويهل وعلى عزايز وقنوات الفساد الإعلامي

ما هي إلا جزء من مخطط خبيث

لجعل كل كويتي ينقسم حتى على نفسه

طيب ليش؟؟؟

شالهدف؟؟؟

شالفايدة؟؟؟

ما تدرون أن مثل هذا المخطط أول ما يدمر يدمر البلد؟

ما تشوفون شسوى بغيرنا؟

ما تخافون تفلت الأمور ولا تقدرون تلمّونها؟

تذكرون نبيها خمسة ؟

تذكرون كتلة التسعة وعشرين نائب؟

كم حضري فيها؟

كم بدوي فيها؟

كم سني فيها؟

كم شيعي فيها؟

تدروون شنوا يعني للبعض تجمعكم بكتلة وحده؟

أوههوووو

يعني الكثير الكثير

الحلم المرعب المزعج والكابوس الأكبر

عشان جذي بدأ مسلسل التقسيم

ولا يزال جاري

والله يستر على البلد منه

واللي يقدر يقرأ الطالع والبخت والمستقبل

خل يبلغنا

الجماعة هذيلي

وين ماخذينا معاهم؟؟؟؟؟

حكومة تفاوض على وطن

ما ذكره النائب مسلم البراك في لقاءه مع تلفزيون الراي

خطير جداً ويستحق أن يقف الجميع عنده

شنو يعني حكومة تفاوض نواب على تصويتهم في مجلس الأمة؟

شنو يعني حكومة تفاوض وتساوم على مناصب مسؤولة عن التعليم العالي في البلد؟

شنو يعني حكومة تفاوض وتساوم على قوانين صوت عليها مجلس الأمة وأقرها؟

من أجل بقاء وزير يفاوضون لتدمير وطن

من أجل بقاء وزير يساومون لتدمير تعليم وقوانين

من أجل بقاء وزير يقتلون كل ما له علاقة بمبدأ الفصل بين السلطات

من أجل بقاء أحمد العبدالله

يفاوضون على وطن

آه يا وطن

كم أنت رخيص لديهم.

كتلة (الخجل) الوطني

الأغلبية سيصوتون ضد طرح الثقة في وزير الإعلام النائم

عبدالله (يا حسافة) الرومي
سلوى (باشا) الجسار
حسين (آية الله) الحريتي
علي (قله بحر) الراشد
عبدالرحمن (أنا وين؟) العنجري
عادل (أدولف) الصرعاوي
رولا (المكلسن) دشتي

وستمتنع

آسيل (ما أقدر أعارض الصقر) العوضي

وسيصوت مع طرح الثقة

مرزوق الغانم
صالح الملا

و ياحسافة الأسم عليكم

أي عمل وطني تتحدثون عنه؟

أنتم كتلة (الخجل) الوطني

 

سجال بين العنجري والطاحوس @ Yahoo! Video

زواج الرؤية من سكوب!

بالرفاه والبنين.

والله يهني سعود بفجر.

وعساه زواج مبارك.

الفال لرولا دشتي وعائشة الرشيد.

القلاف (يّن) وقعد؟

القلاف يا جماعة ين وقعد.

شنو هالسؤال؟ وليش؟ وشحقه؟

الحين الوشيحي مو ترك الراي من سنة يدي؟

والقلاف مو مريض ويعالج بره على حساب الحكومة؟

شمطلعه من السرداب هذا الحين؟

والله بلشة.. شلون ابتلشنا

مينون بروحه ويالله نتحمله

!!!هالمرة مينون و شرّي

سعدون.. ناوي على شر؟

 

“ مصادر مقربة من النائب سعدون حماد تؤكد أن أي استنتاج بأن حماد سيمنح الثقة للوزير على أساس أنه تحدث مؤيداً للاستجواب هو استنتاج خاطئ.. فحماد أعلن في بداية كلمته أنه مع الاستجواب وأن كلامه إحتجاجاً على عدم مشاروة المستجوبين له” – خدمة الخبر

يبدو أن التكلفة سترتفع على الحكومة لأن أتفاق التحدث معارضاً للأستجواب لم يشمل عدم طرح الثقة.

كل مرحلة ولها حسابها :) 

شنو ناوي عليه هالإنسان؟

مقالات في الصحافة

موقع إلكتروني

احتفالات وعزايم وقبائل وعرضات

وأخيرا لقاء في الشبكة الوطنية الكويتية

شنو ناوي عليه؟

الحسبة قبل يوم الجمعة

لغاية الآن الساعة الرابعة إلا خمس دقائق من مساء يوم الخميس الموافق 18-3-2010

الوزير في خطر.. في خطر.. في خطر..

ورصاصة الرحمة في يد نواب كتلة العمل الوطني و كم نائب قبلي..

الحسبة لغاية الآن 23 نائب مع الإستجواب

أحمد السعدون
مسلم البراك
علي الدقباسي
خالد الطاحوس
صيفي الصيفي
خالد العدوة
مبارك الوعلان
حسين مزيد
ضيف الله بورمية
حسن جوهر
وليد الطبطبائي
جمعان الحربش
فيصل المسلم
فلاح الصواغ
سالم النملان
مبارك الخرينج
مرزوق الغانم
صالح الملا
فيصل الدويسان
أسيل العوضي
محمد الحويلة
محمد هايف
شعيب المويزري

و 7 نواب ما بين الإمتناع وطرح الثقة

عبدالله الرومي
علي الراشد
عادل الصرعاوي
عبدالرحمن العنجري
غانم اللميع
يوسف الزلزلة
حسين الحريتي

و 19 نائب ما بين معارض لطرح الثقة أو لن يحضر جلسة طرح الثقة.

نقاط الضعف في مؤيدي طرح الثقة هم:

مرزوق الغانم + صالح الملا + فيصل الدويسان + أسيل العوضي + محمد الحويلة.

نقاط الضعف بالنسبة للحكومة في نواب الإمتناع هم:

عبدالرحمن العنجري + يوسف الزلزلة + حسين الحريتي + غانم اللميع

وضع الوزير في خطر.. في خطر.. في خطر..

والإستقالة أقرب.